గమనం! -వారాల ఆనంద్

మర్చిపోవడం అలవాటయిన వాడికి

గుర్తుంచుకోవడంలోని

మాధుర్యాన్ని ఎట్లా చెప్పడం

మదనపడ్డవో, సంబ్రపడ్డవో

అనుభవాలు

మరుపు పొరల్లో

మబ్బుల చాటు చుక్కల్లా

మినుకు మినుకు మంటాయి

‘మరుపు ‘

సరళ రేఖ లాంటి దారి కాదు

మలుపులూ, మరుగులూ వుంటాయి

దారిపొడుగునా

‘కన్నీటి జాతర’ లుంటాయి

మంచివో చెడ్డవో

అనుభవాలు ‘జ్ఞాపకాలుగా’

తడుముతూ వుంటాయి

బతుకు భూమిలో  వేర్లయి

నిలబెడుతూ వుంటాయి

మర్చిపోవడం అలవాటయినా

గమనం

గుర్తుంచుకోవడం లోనే

-వారాల ఆనంద్