Monday, February 17, 2020
Home > కవితలు > గమనం! -వారాల ఆనంద్

గమనం! -వారాల ఆనంద్

మర్చిపోవడం అలవాటయిన వాడికి

గుర్తుంచుకోవడంలోని

మాధుర్యాన్ని ఎట్లా చెప్పడం

 

మదనపడ్డవో, సంబ్రపడ్డవో

అనుభవాలు

మరుపు పొరల్లో

మబ్బుల చాటు చుక్కల్లా

మినుకు మినుకు మంటాయి

 

‘మరుపు ‘

సరళ రేఖ లాంటి దారి కాదు

మలుపులూ, మరుగులూ వుంటాయి

దారిపొడుగునా

‘కన్నీటి జాతర’ లుంటాయి

 

మంచివో చెడ్డవో

అనుభవాలు ‘జ్ఞాపకాలుగా’

తడుముతూ వుంటాయి

బతుకు భూమిలో  వేర్లయి

నిలబెడుతూ వుంటాయి

 

మర్చిపోవడం అలవాటయినా

గమనం

గుర్తుంచుకోవడం లోనే

-వారాల ఆనంద్

Facebook Comments

2 thoughts on “గమనం! -వారాల ఆనంద్

Leave a Reply

Your email address will not be published. Required fields are marked *

error: Content is protected !!